C24/09.bis Servizo de mantemento de redes e equipos informáticos

Os licitadores deberán ter realizado no período de, como máximo os últimos 3 anos, unha relación de servizos de igual ou similar natureza que os que constitúen o obxecto do contrato, cuxo importe anual acumulado no ano de maior execución sexa igual ou superior ao 70% da anualidade media do contrato. Para determinar que os traballos ou servizos sinalados polo/a licitador/a son de igual ou similar natureza ao que constitúe o obxecto do contrato atenderase aos tres primeiros díxitos dos respectivos códigos CPV de cada un dos servizos que constitúen o obxecto do contrato. Este requisitos non será esixible cando o contratista sexa unha empresa de nova creación, entendendo por tal aquela que teña unha antigüidade inferior a cinco anos.

os candidatos ou licitadores deberán acreditar un volume anual de negocio no ámbito ao que se refire o contrato, que referido ao mellor exercicio dentro dos 3 últimos concluídos, deberá ser polo menos unha vez e media o valor anual medio do contrato (64.179,24 €). Naqueles casos en que o licitador leve menos de 3 anos dado de alta nesta actividade profesional e polo tanto non poda acreditar a súa solvencia económica segundo o disposto anteriormente, poderá acreditala mediante a disposición dun seguro de indemnización por riscos profesionais, vixente ata o fin do prazo de presentación de ofertas por importe non inferior ao valor estimado do contrato. Ademais, deberase achegar o compromiso da súa renovación ou prórroga que garanta o mantemento da súa cobertura durante toda a execución do contrato. Este requisito entenderase cumprido polo licitador ou candidato que, no caso de resultar adxudicatario, inclúa coa súa oferta un compromiso vinculante de subscrición do seguro esixido, compromiso que deberá facer efectivo dentro do prazo de dez días hábiles a que se refire o número 2 do artigo 150 da LCSP.