Servizo de control de pragas no termo municipal de Narón

Relación dos principais servizos de igual ou similar natureza ao obxecto do contrato, realizados nos últimos tres anos, indicando importe, datas e destinatario público ou privado dos mesmos, xunto cos certificados expedidos ou visados polo órgano competente, cando o destinatario sexa unha entidade do sector público, e cando o destinatario sexa un suxeito privado, mediante un certificado expedido por este ou, a falta deste certificado, mediante unha declaración do empresario acompañado dos documentos que obran en poder do mesmo que acrediten a realización da prestación, documentos que deberán acreditar o importe que se sinala no parágrafo seguinte. Requisito mínimo de solvencia: o importe anual acumulado no ano de maior execución deberá ser igual ou superior ao 70% do valor anual medio do contrato, de xeito que, deberá acreditarse un volume de negocios en calquera dos tres últimos anos superior a 27.473,79 euros.

O criterio para a acreditación da solvencia económica e financeira será o volume anual de negocios do licitador que, referido ao ano de maior volume de negocio dos tres últimos concluídos, deberá ser de, polo menos, unha vez o valor anual medio do contrato, de xeito que, deberá acreditarse un volume de negocios en calquera dos tres últimos anos superior a 39.248,27 euros. O volume anual de negocios do licitador ou candidato acreditarase por medio da presentación das súas contas anuais aprobadas e depositadas no Rexistro Mercantil, se o empresario estivese inscrito no devandito rexistro, ou ben, polas depositadas no rexistro oficial en que deba estar inscrito. Os empresarios individuais non inscritos no Rexistro Mercantil acreditarán o seu volume anual de negocios mediante os seus libros de inventarios e contas anuais legalizados polo Rexistro Mercantil.